جوزى عاوزنى اخلف ولد

dondon · 10-14-2009, 01:00 AM

هتعملى ايه لو جوزك قرر يتجوز عليكى علشان عاوز يخلف ولد ال يعنى اموضوع بمزاجه او حتى حستيه مش مبسوط انه خلف بنت ولو عندك حاجة تدل على زعله انه عنده بنات احكيلى تجربتك او تجربه حد تعرفيه وبردوا لو مش فارقه معاه مستنيه تعليقكم وياترى انتى عاوزة ولد والا راضيه بالبنات عاوزة الصراحةةةةةةةةةةة
اتكلمى من قلبك
فى انتظار ارائكم
dondon

10-14-2009, 02:27 AM

و الله انا الحمد لله عندي بنت و ولد ... بس مرات اخويا عندها 3 بنات و نفسها في ولد عشان تفرح اخويا بس المسألة دي في ايد ربنا ثم الراجل هو المسئول عن نوع الجنين زي ما ثبت علميا و اخويا عارف كدا و مش فارقة معاه بس مراته هتتجنن و تجيب ولد ال خايفة يتجوز عليها.. ... ربنا يهدي بقى

10-14-2009, 10:34 AM

انا كان معايا روان وكنت بتمني اجيب ولد بس جتلي جنه ربنا يبارك فيهم
بس انا مؤمنه ان ربنا بيختار الخير لينا في حديث بيقول لو علمتم الغيب لاخترتم الواقع
والحمد لله جوزي بيعشق البنات مش بيحبهم بس ومعتش نفسنا في ولد
ربنا يرضي كل واحد باللي عنده

10-14-2009, 10:38 AM

والله زوجي مؤمن بالله
وما عندو اعتراض على بنت والا ولد
كله من الله

10-14-2009, 10:42 AM

مع انى بنت ونفسى اخلف بنات بس كانو زماااااااان بيقولوا يامخلف البنات ياشايل الهم للممات مع ان فى الزمن ده البنات احسن من الشباب فى اشياء كثيرة وربنا يكرم المومنين جميعا بالذرية الصالحة سواء بنات او اولاد

10-14-2009, 06:20 PM

نورتونى بجد تفاعلكم معى جعلنى اكثر نشاطا يارب الاقيكم دايما كده نورتونى بجد وربنا يباركلكم فى بناتكم واولادكم انا من راييى مش مهم الجنس بتاع الطفل المهم يكون ناجح فى حياته ويخليكم تفتخروا بيه اللهم ماامين
dondon

10-14-2009, 08:51 PM

عندك حق والله المهم نفتخر بيهم ويحققوا لنا كل اللى نفسنا فيه يارب انا عندى بنتين حبيبة وحنين ربنا يخليهم ليه ويباركلى فيهم يا رب بس ده ميمنعش انى كان نفسى فى ولد بس ده طمع دنيا وانا مقتنعة ان ربنا مش بيجيب حاجة وحشة ممكن كنت اجيب ولد ويتعبنى ويخلينى اكره اليوم اللى جبته فيه مين عارف الحمد لله على بناتى الحلوين وربنا يبارك لكل واحد فى عياله امين يارب